Mera Kuch Saman

Lyrics
Mera kuch saamaan tumhare paas pada hai
o o o ! saavan ke kuch bheege bheege din rakhe hain
aur mere ik khat main lipti raat padi hai
woh raat bhulaa do, mera woh saamaan lauta do
mera kuch saamaan tumhaare paas pada hai

patjhad hai kuch ... hai na ?
o ! patjhad main kuch patton ke girne kee aahat
kaanon main ek baar pahan ke laut aai thee
patajhad ki woh shaakh abhi tak kaanp rahi hai
woh shaakh gira do, mera woh saamaan lauta do

ek akeli chhataree main jab aadhe aadhe bheeg rahe the
aadhe sookhe aadhe geele, sukha to main le aaye thi
geela mann shayad bistar ke paas pada ho
woh bhijwa do, mera woh saamaan lauta do

ek so sola chaand ki ratain ek tumhare kaandhe ka til
geeli mahendi ki khushbu, jhoot mooth ke shikwe kuch
jhooth mooth ke wade sab yaad karaa do
sab bhijwa do, mera woh saamaan lauta do

ek ijaazat de do bas, jab isko dafanaungi
main bhi wahi so jaungee
main bhi wahi so jaungee